ЈОУ Библиотека „Феткин“ Кавадарци

Корените на библиотекарството на подрачјето на општина Кавадарци ги наоѓаме во манастирите кои се во непосредна близина на општината. Се до првата половина на XIX век црквите и манастирите се главни културно-просветни жаришта во Македонија.

Првото читалиште е формирано 1870 година во Ваташа. Откриени се околу 10 ракописи на досега непознат македонски книжевник, свештеникот Глигор Хаџи-Орданов од Ваташа кои потекнуваат од XIX век.

Културата заснована на вредностите кои ја надминуваат изолираноста, самодоволноста, ксенофобијата и предрасудите, ги овозможува виталните процеси на комуникација, размена на податоци и знаење, идеа и компетенција.

Проширување на видиците на знаењето, слободниот пристап на информација се неопходни услови за едно општество и играат важна улога во градењето на личноста.

Врската која постои помеѓу културата заснована на знаење и општеството засновано на култура, достигнуваат моќ која е ефективна и соцојално – политички и историски и развојно.

Јавната Општинска Установа Библиотека ,,Феткин,, е мултикултурен граѓански информативен центар и вредносен капитал на општина Кавадарци, а воедно и на Република Македонија.

Нејзино е:

• Да служи на знаењето, на мудроста, уметноста, образованието, читањето, пишењето, сеќавањето;
• Да овозможи непречен, континуиран и сеопфатен пристап до информацијата, до научни, образовни и културни добра;
• Да биде основа за сигурен, зголемен и одржлив развој на земјата, нејзиниот напредок и нејзината благосотојба;
• Да биде најдобро опкружување за истражување, креативност, учење, работа, забава.
• Да имслужи на сите граѓани во Република Македонија без никакви огранишувања.

И така да служи засекогаш, за сите времиња, за потребите, интересите и причините за минатото и сегашноста, а посебно за иднината.

Страната ќе биде редовно ажрирана со нови податоци, а исто така ќе се креира листа на настани коишто тековно се одвиваат во библиотеката и исто така настани коишто се закажани за во иднина.