Креативна работилница „Обои ги твоите омилени ликови“

17.07.2026

Вечерва, во рамки на Кавадаречко културно лето, најмладите уживаа во креативната работилница „Обои ги твоите омилени ликови“, реализирана во соработка со Градската библиотека „Феткин“.

Со многу насмевки, бои и фантазија, децата ги оживеаја своите омилени ликови и приказни, создавајќи прекрасни цртежи и незаборавни спомени.

Благодарност до сите мали уметници за нивната креативност, како и до Градската библиотека „Феткин“ за успешната соработка. Продолжуваме заедно да создаваме моменти што ги инспирираат најмладите.