На денешен ден во Кавадарци е роден Лазо Каровски — (17 февруари 1927 во Кавадарци — 2 февруари 2000 во Скопје)

Еден е од првите македонски поети по ослободувањето, романсиер, детски поет, литературен историчар и фолклорист. По завршувањето на гимназијалното образование во родниот град и во Скопје, дипломирал на Катедрата за југословенски литератури и македонски јазик на Филозофскиот факултет во Скопје, каде што и докторирал со темата “Печалбарството во македонската народна и уметничка литература” Македонски печалбарски песни, во 1973 година. Работел како гимназиски професор во Кавадарци и во Учителската школа во Битола, а потоа предавал на тамошната Педагошка академија. Тој е еден од најпознатите македонски фолклористи, а истовремено е и познат автор и поет.