Денес Библиотека „Феткин“ Кавадарци потпиша Меморандум за соработка со Здружението за социо-културен развој, STEAM едукација и иновации АСТЕРА Кавадарци, со кој отвораме ново поглавје во поврзувањето на книгата, културата, образованието, технологијата и креативноста.

Заедно ќе создаваме активности за деца, млади и возрасни – работилници, предавања, културни и креативни настани, активности за дигитална писменост и STEAM образование, како и можности за учење и развој во текот на целиот живот.

Библиотеката е многу повеќе од место за книги.

Таа е место за знаење, идеи и нови вештини.

Место за креативност и создавање.

Место за поврзување и заедничко учество во животот на заедницата.

Со оваа соработка продолжуваме да ја развиваме Библиотека „Феткин“ како отворен простор за учење, култура, иновации и нови можности за сите генерации.

Продолжуваме заедно – за уште повеќе знаење, идеи и можности во нашата заедница!