Романот „Враќањето од Делфи“ нè запознава со главниот лик Благоја, кој тргнува во своевидна аматерска, антрополошка потрага по одговори на најкрупните прашања за физичката и менталната конструкција на човекот – каде се скриени неговите вистински моќи и капацитети.

Оваа потрага не се одвива надвор од секојдневието, туку токму низ него. Низ животниот пат на Благоја, читателот патува низ интересни градови и места во Грција, Македонија и Хрватска, запознава необични и инспиративни ликови и сведочи на несекојдневни животни моменти. Книга која поттикнува размислување, самоспознавање и духовно патување.