Промовирана книгата „Потомците на Поп Арсо“ од Гордана Кароловска

30.10.2026

Синоќа, во просториите на Библиотека „Феткин“ – Кавадарци, се одржа емотивна промоција на книгата „Потомците на Поп Арсо“ од авторката Гордана Кароловска, во издание на Библиотека „Феткин“.

Оваа книжевна средба беше многу повеќе од промоција на една книга – беше вечер исполнета со емоции, спомени, почит кон корените и поврзаност со минатото. Преку пишаниот збор, повторно се оживеаја приказните што ги чува времето, а кои продолжуваат да живеат низ сеќавањата, семејните преданија и идните генерации.

Особена вредност на ваквите средби е можноста литературата да нè доближи до нашата историја, да нè потсети на значењето на наследството и да нè поврзе со луѓето и приказните што го обликувале нашиот идентитет.

Библиотека „Феткин“ продолжува да ја исполнува својата мисија – да го афирмира македонското книжевно творештво, да поттикнува љубов кон книгата и да создава простор за средби што оставаат трајни впечатоци.

Благодарност до авторката Гордана Кароловска и до сите присутни кои со своето присуство придонесоа оваа вечер да биде исполнета со топлина, емоции и љубов кон пишаниот збор.