Во просториите на Библиотека Феткин Кавадарци се одржа координативен состанок со Директорот на Библиотека Феткин, Петар Гурев и поголем дел од роднокрајните автори

26.09.2024

Вечерва во просториите на Библиотека Феткин Кавадарци се одржа координативен состанок со Директорот на Библиотека Феткин, Петар Гурев и поголем дел од роднокрајните автори. На состанокот се разговараше за начини за подигнување на литературното творештво на кавадаречките автори и се донесоа заклучоци и наредни чекори кои би се преземале за постигнување на оваа цел. Директорот на библиотеката го искажа своето задоволство за овој чекор и вети максимална подршка од страна на библиотеката како институција на планираните активности на авторите.
Состанокот заврши со размена на искуства помеѓу авторите и читање на наградени творби во последниот период.