Библиотека Феткин го одбележа месецот на книгата

09.11.2024

Во склоп на славењето на месецот на книгата денес Библиотека Феткин беше домаќин на учениците од трето одделение од ООУ Тошо Велков Пепето. Освен акцентирањето на важноста на читањето и важноста на книгите воопшто во развојот на децата и остварувањето на детските соништа како возрасни, учениците се најдоа во улога на библиотекари.

Диреткторот на библиотеката го објасна комплетниот процес на обработка на книгите а потоа секој ученик успешно го проба процесот на книгопозајмица. Заклучоците беа дека библиотекарската професија е благородна работа и дека библиотекарите се чувари на знаењето. Им благодариме на наставничките Ирина Коцева и Спасијка Колева за посетата.